Braziliya terma jamoasi 1997 yilda Konfederatsiyalar kubogida zafar quchgan. O'shanda jamoa safida Rossiyaning «Anji» klubida o'ynab, keyinchalik murabbiy bo'lgan Roberto Karlos ham bor edi. Ayni paytda ishtirokchi mamlakatlar bo'ylab sayohatga chiqqan musobaqa kubogi Meksika va Chiliga etib bordi. Dastlab Avstraliya va Yangi Zelandiyaga tashrif buyurgan kubok keyinchalik Portugaliyada bo'ldi. Aynan shu mamlakatda uni Roberto Karlos namoyish qildi. Bundan unumli foydalangan FIFA rasmiy sayti sobiq himoyachi bilan suhbat uyushtirdi. - Siz Rossiyada faoliyat olib borgansiz. Ushbu mamlakat muxlislari borasida qanday fikr­dasiz? - Ular futbolni sevishadi. Men Moskvadan tashqarida bo'lgan klub safida o'ynaganman. Uchrashuvlarda hamisha stadion to'lardi. O'ylaymanki, Konfederatsiyalar kubogi va jahon chempionati Rossiya xalqi futbolni yanada chuqurroq tushunishi uchun zamin yaratadi. - Ko'pchilik Rossiyaning sovuq iqlimidan cho'chishadi. Ammo musobaqa iyunda bo'ladi. Rus yozi qanday? - Juda issiq. Hamisha Rossiya­da plyus 40 va minus 40 darajada ham yursa bo'ladi, deb hazillashardik. Ko'chalarda ob-havodan rohatlanayotgan odamlarni uchratasiz. Rossiyaliklar sovuq paytida juda qiynalishadi. Shu bois ham issiq havoni hurmat qilishadi. Rossiyaga borsangiz, adashmaymiz. U erning xalqi ancha mehmondo'st. - Konfederatsiyalar kubogida Rossiya termasi Yangi Zelandiya, Portugaliya va Meksika jamoalari bilan bir guruhdan joy oldi. Mezbonlar qanchalik uzoqqa bora olishadi? - Juda kuchli guruh. Ular o'z maydonlarida, muxlislari qarshisida o'ynashadi. Bu ham raqiblarga qiyinchilik tug'dirishi turgan gap. Guruhdan chiqish uchun Rossiya, Portugaliya va Meksika kurash olib boradi. Bunga sabab, Rossiya - mezbon, Portugaliya - Evropa chempioni va tarkibida jahonning eng kuchli futbolchilaridan biri bor. Meksikaliklarni yaxshi bilganim uchun ularni ham guruh favoritlari qatoriga qo'shdim. Bu termaga qarshi o'ynash juda qiyin. - Sizningcha, turnirda qaysi jamoa g'olib chiqadi? Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.