O'zbekiston chempionati 6- tur bellashuvlarini boshqaruvchi hakamlar ro'yxati ma'lum bo'ldi. Xabaringiz bor, "Navbahor" 15 aprel (shanba) kuni Bekobodning "Metallurg" klubiga qarshi safarda o'yin o'tkazadi. Mazkur bellashuvni toshkentlik Xasan Ro'ziev boshchiligidagi hakamlar brigadasi boshqaradigan bo'ldi. Ro'zievga qanotlarda poytaxtlik Olim Abduvosilov va Sanjar Shoyusupovlar ko'maklashishadi. Olim To'ychiboev (Farg'ona) zahira hakami vazifasini bajaradi. Bellashuvni nazorat qilish Sardor Najafaliev (Toshkent) zimmasiga yuklatilgan. Noil Lutfulin PFL vakili sifatida uchrashuvni kuzatib boradi.
— deya xabar beradi uff.uz nashri.