“Bavariya” jamoasi hujumchisi Robert Levandovski “Real”ga qarshi kechadigan Chempionlar ligasi 1/4 finalining dastlabki o'yinida ishtirok etmaydi. 28 yoshli polshalik futbolchi Dortmundning “Borussiya”ga (4:1) qarshi kechgan bahsda orttirib olgan elka jarohatidan to'liq forig' bo'lishga ulgurmagan. Kecha Levandovski faqat 20 daqiqa davomida umumiy guruh bilan shug'ullangan. Myunxenliklar ustozi Karlo Anchelotti hujumchi bo'yicha yakuniy qaror o'yin kuni qabul qilishini aytgandi. Levandovski 18 aprel kuni Madridda bo'lib o'tadigan javob uchrashuviga sog'ayadi.
— deya xabar beradi uff.uz nashri.