Jamoamiz bo'lajak O'zbekiston Superkubogi uchrashuviga qizg'in tayyorgarlik ko'rmoqda. “Sevinch” bugun  ana shu tayyorgarliklar yuzasidan G'uzorning “Sho'rtan Lady” jamoasi bilan nazorat uchrashuvi o'tkazdi. Nazorat uchrashuvi “Nasaf” futbol maktabi qoshidagi mashg'ulotlar maydonida bo'lib o'tdi. Bugungi nazorat uchrashuvida milliy terma jamoamiz safida bo'lib turgan futbolchilarimiz qatnashmadi. Ular hali jamoamiz ixtiyoriga etib kelishgani yo'q. Nazorat uchrashuvi qiziqarli va murosasiz bo'ldi. Albatta darvozalarga gollar ham ko'p kiritildi. Uchrashuvdagi hisob “Sevinch” tomonidan ochildi. Dastlabki gol muallifi Maftuna Panjieva bo'ldi. Bunda Ablyakimova g'uzorlik futbolchi qizlar tomonidan jarima maydonida to'xtatib qolindi va 11 metrlik jarimani golga aylantirishda Panjieva adashmadim – 1:0. Oradan uncha vaqt o'tmasdan hisob 3:0ga o'zgardi. Ushbu gollarni yana Panjieva va Ablyakimovalar kiritishdi – 3:0. Jamoamiz gollariga sobiq futbolchimiz va to'purarimiz, bu yilgi mavsumdan “Sho'rtan Lady” jamoasi sharafini qilishga qaror qilgan Zebo Jo'raeva javob qaytarishga erishdi – 3:1. Dastlabki bo'lim ana shu hisobda yakun topdi. Nazorat uchrashuvining ikkinchi bo'limi ham gollarga boy bo'ldi. Bu bo'limdagi gollarga jamoamizdan Maftuna Panjieva, Ilvina Ablyakimova va Gulzoda Amirovalar mualliflik qilishgan bo'lishsa, “Sho'rtan Lady” jamoasining qolgan ikki goli  ham Zebo Jo'raeva tomonidan kiritildi. Shunday qilib, nazorat uchrashuvi 6:3 hisobida “Sevinch”ning g'alabasi bilan nihoyasiga etdi. Nazorat uchrashuvi “Sevinch” (Qarshi) – “Sho'rtan Lady” (G'uzor) 6:3 “Nasaf” FM maydoni. Soat 16:00da Gollar: Maftuna Panjieva (3), Ilvina Ablyakimova (2), Gulzoda Amirova – Zebo Jo'raeva (3) “Sevinch”: Nargiza Maxmudova, Tanzila Zarbieva, Kamola Riskieva, Shaxzoda Jamolova, Maftuna Panjieva, Sevara Normurodova, Ilvina Ablyakimova, Shaxnoza Qurbanova, Shodiya Tosheva, Shaxnoza Shakirova, Shoira Qulturaeva. Zaxiradan maydonga tushganlar: Oliya Axmedova, Feruza Boboxo'jaeva, Gulzoda Amirova, So'g'diyona Allamurodova, Shaxzoda Tojiddinova. “Sho'rtan Lady”: Sarvinoz Ergasheva, Muxlisa Mirzayorova, Yulduz Shodieva, Djesika Kruchinina, Dildora Ergasheva, Fazilat Baxromova, Baxtishod To'xtaeva, Sadoqat Ro'zieva, Zebo Jo'raeva, Maftuna Jo'raeva, Gulzoda Jo'raeva. Zaxiradan maydonga tushganlar: Zarina Saidova, Zarina Ismatova Sarvinoz Nazarova, Gulira'no Tolmasova, Sayyora Nurmatova, Uldona To'xtaeva.
— deya xabar beradi uff.uz nashri.