Oliy liganing 6-turida Bekoboddagi o'yingohda "Navbahor" "Metallurg" jamoasi mehmoni bo'ladi 6-tur. 15 aprel. 16:00 "Metallurg" - "Navbahor" Hakamlar: X. Ro'ziev (Toshkent), O. Abduvasilov (Toshkent), S. Shoyusupov (Toshkent), O. Tuychibaev (Farg'ona) Nazoratchi: S. Najafaliev (Toshkent). PFL vakili: N. Lutfulin. “Navbahor” va “Metallurg” klublari oliy ligada shu kungacha 38 bor kuch sinashishgan. “Navbahor” 18ta o'yinda g'alaba qozongan. 11ta uchrashuvda “Metallurg”ning qo'li baland kelgan. Bu jamoalar o'rtasidagi o'yinlarda 9 marta durang qayd etilgan. To'plar nisbatida katta ustunlik “Navbahor” tomonida: 60:44. “Lochinlar” o'zaro o'yinlarda 63 ochkoga ega bo'lishgan, “Metallurg” esa 42 ochkoni qo'lga kiritgan. “Navbahor”ning “Metallurg” ustidan qozongan eng yirik g'alabasi 7:0ga teng bo'lsa, “Metallurg”ning namanganliklar ustidan erishgan eng yirik g'alabasi – 5:1. O'tgan mavsum Namanganda o'tgan uchrashuvda 0:1 hisobida "Metallurg" zafar quchgan bo'lsa, Bekoboddagi uchrashuvda mezbonlar 5:1 hisobida yirik g'alabaga erishgandi. “Metallurg” maydonida o'tgan so'nggi besh uchrashuv: 2016 yil. «Metallurg» - «Navbahor» 5:1 2015 yil. «Metallurg» - «Navbahor» 2:3 2014 yil. «Metallurg» - «Navbahor» 2:0 2013 yil. «Metallurg» - «Navbahor» 2:1 2012 yil. «Metallurg» - «Navbahor» 0:0 O'zaro o'yinlar haqida fakt: “Metallurg” o'z maydonida ushbu raqibga 3 marta imkoniyatni boy berib qo'ygan. 19ta o'yinning 10tasida maydon egalari zafar quchishgan. 5ta o'yin durang bilan tugagan. “Navbahor” so'nggi bor 2015 yilda Bekoboddan g'alaba bilan qaytgan.
— deya xabar beradi uff.uz nashri.