Germaniya terma jamoasi menedjeri Oliver Birxoff Nemis futbol uyushmasi (DFB) bilan bog'liq majaro Germaniya terma jamoasiga ta'sir etmaydi, deb hisoblaydi. Eslatib o'tamiz, tashkilot korruptsiyada gumon qilinmoqda, uning boshlig'i Volfgang Nirsbax esa kecha iste'foga chiqqan. – Bu o'tgan uch xafta DFB va butun nemis futboli uchun qiyin bo'ldi, – deya Birxoffning so'zlarini keltiradi Reuters agentligi. – Nirsbax Germaniya terma jamoasi bilan yaqin edi. Xozir ko'pchilik unga achinayapti. Jamoa shuningdek, vaqtinchalik boshliq bo'lgan Rayner Kox va Raynxard Rauballarni ham yaxshi biladi. Shuning uchun bu mojarolarga qaramay jamoa o'z ishini bajarishda davom etadi.
— deya xabar beradi uff.uz nashri.