Evropa chempionlar ligasining 1/4 final bosqichidan o'rin olgan “Bavariya” – “Real” uchrashuv yakuniga etdi. Unda “Bavariya” o'z maydonida “Real”ga imkoniyatni boy berdi. Birinchi bo'lib, 23 daqiqada Arturo Vidal hisobni ochgan bo'lsa, yana bir vaziyatda 11 metrlik nuqtada adashdi. Ikkinchi bo'lim boshiga qadar o'yinda shu hisob saqlanib qoldi. Uchrashuvning ikkinchi yarmi boshlanishi bilanoq, Ronaldu tezkor gol kiritib o'rtadagi muvozanatni tenglashtirdi. 61 daqiqada mezbonlar himoyachisi Xavi Martines Ronalduga ishlatgan qo'polligi uchun ikkinchi sariq kartochka bilan jazolandi va “Bavariya”ni nochor ahvolga solib qo'ydi. Bir kishi kam bo'lib qolgan “Bavariya” o'yin oxiriga qadar deyarli “Real” darvozasi tomon xavfli hujum uyushtira olmadi. Madridliklarning ketma – ket uyushtirgan hujumlari 77 daqiqaga kelib, o'z samarasini berdi. Beylning o'rniga maydonga tushgan istiqbolli futbolchi Asensioning uzatmasidan so'ng Ronaldu Noyer qo'riqlayotgan darvozani nishonga olib “Real”ga “Bavariya” ustidan irodali g'alabani taqdim etdi. Uchrashuvda Benzema va Ramoslar ham gol urishdi, lekin o'yinni boshqargan italiyalik hakam Nikola Ritstsoli bu gollarda madridlik futbolchilar o'yindan tashqari holatda ekanligini tasdiqladi. Shu tariqa, “Real” va Ronaldu “Bavariya” bilan o'yinda irodali g'alabaga erishib, keyingi bosqichga ilk qadamini qo'ydi. Evropa ligasi 1/4 final bosqichi, dastlabki uchrashuv “Bavariya” – “Real Madrid” 1:2 (1:0) Gollar: 1:0 – 25 Vidal, 1:1 – 47 Ronaldu, 1:2 – 77 Ronaldu. Bavariya – Noyer, Martines, Alaba, Boateng, Lam, Alkantara, Riberi (Duglas Kosta, 67), Xabi Alonso (Bernat, 64), Vidal, Robben, Myuller (Koman, 81). Real Madrid – Navas, Karvaxal, Nacho, Marselo, Ramos, Kroos, Modrich (Kovachich, 90), Kazemiro, Beyl (Asensio, 59), Benzema (Xames, 83), Ronaldu. Ogohlantirishlar: Kroos (44), Karvaxal (45), Xabi Alonso (47), Martines (58), Vidal (90). Chetlatish: Martines (61).
— deya xabar beradi uff.uz nashri.