2015 yilning 4-6 noyabr kunlari Toshkent viloyatida veloshosse bo'yicha mamlakat kubogi bahslari bo'lib o'tdi.
Bu yilgi musobaqalarda Respublikamizning bir qator hududlaridan kelgan yuz nafardan ziyod sportchilar g'oliblik uchun kurash olib bordilar. Mazkur musobaqa bir vaqtning o'zida 2016 yilning yanvar oyida Yaponiyada o'tkaziladigan Osiyo chempionati oldidan o'ziga xos saralash bosqichi vazifasini ham o'tadi.
Bevosita natijalarga to'xtaladigan bo'lsak, 26 km. masofaga bo'lib o'tgan poygada sirdaryolik Vadim Shayxov marra chizig'iga birinchi bo'lib etib keldi. Tajribali sportchimiz, shuningdek, 55 km. masofaga Kriterium tasnifida hamda 91 km.ga masofaga guruh baxslarida g'oliblikni qo'lga kiritdi. Jamoaviy poygalarda Timur Janbulatov, Roman Shukurov xamda Abdumannon Shomansurovlar bilan bahslarga kirishgan Vadim Shayxov yana marraga birinchi bo'lib etib keldilar.
Xotin-qizlar musobaqasida Olga Jantuganova 13 km. masofaga o'tkazilgan shaxsiy hisobdagi poygada hamda 31 km. masofaga bo'lib o'tgan bahslarda birinchi o'rinni egalladi.
Qizg'in kechgan musobaqalar yakunlariga ko'ra, Sirdaryo viloyati jamoasi umumjamoa hisobida birinchi, Toshkent viloyati va Toshkent shahri jamoalari esa mos ravishda ikkinchi va uchinchi o'rinlarni band etdilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.