"Liverpul" bosh murabbiyi Yurgen Klopp Dortmundning "Borussiya" klubi yarim himoyachisi Mario Gyottse haqida fikr bildirdi. Eslatib o'tamiz, Germaniya terma jamoasi futbolchisi oxirgi vaqtlarda juda ko'p bora tanqid qilingan edi.
Yaqinda Mario Gyottsening sog'ligida muammolar borligi aytilgan va noma'lum muddatga safdan chiqqan edi. Yarim himoyachi joriy mavsum maydonga tushmasligi aniq bo'lib ulgurgan.
"Gyottsening sog'ligi bilan bog'liq muammo nima sababdan oxirgi yillarda uning o'yini pasayganini tushuntirib bera oladi. Nihoyat uning kasali aniqlanganidan mamnunman.
Umid qilamanki hali ko'pchilik Gyottsedan kechirim so'raydi. Bu to'g'ri bo'lar edi. Men Marioga 100 foiz ishonaman", - deydi Klopp.
— deya xabar beradi uff.uz nashri.