"Manchester Siti" rahbariyati Jo Xartni yana ijaraga berishni istamayapti. 29 yoshli darvozabon joriy mavsum "Torino"da ijara asosida to'p surmoqda va yozda Angliyaga qaytishi lozim.
"Torino" Xartning ijara muddatini oshirish niyatida, ammo "Manchester Siti" bunga qarshi. "Shaharliklar" darvozabonni faqat sotishni rejalashtirmoqda. Uning transfer qiymati 15 million funtga baholandi. Eslatib o'tamiz, Xartning "Manchester Siti" bilan 2019 yilning yoziga qadar davom etadigan shartnomasi bor.
"Torino" Xartni sotib olishni istamoqda, ammo klubning moliyaviy imkoniyati cheklangan. Darvozabon bilan "Everton", "Vest Xem" va "Chelsi" qiziqish bildirmoqda.
— deya xabar beradi uff.uz nashri.