APLda mavsumning eng qaynoq pallalari davom etayapti. Jamoalar Evropa Chempionlar ligasiga yo'llanma olish uchun qattiq kurashga kirishgan. Lekin premer ligada to'rtinchi o'rinni egallaydigan jamoa oxir oqibat EChL yo'llanmasidan mahrum bo'lishi ham mumkin...
Agar "Liverpul" mavsumni to'rtinchi o'rin bilan yakunlasa, nima bo'lishi mumkin.
Ispaniya va Germaniya chempionatlariga o'xshab, Angliya chempionatining birinchi uchta jamoasi chempionlar ligasining guruh bosqichiga to'g'ridan to'g'ri yo'l oladi.
Agar "qizillar" turnir jadvalida to'rtinchi o'ringa ega chiqsa, EChL saralashining oxirgi 4-bosqichiga yo'l olishadi (uchrashuvlar 15-23 avgust kunlari bo'lib o'tadi). Birinchi uchrashuv katta ehtimol bilan APL yangi mavsumi boshlangach, birinchi va ikkinchi turlar orasida bo'ladi.
Ma'lumki, keyingi mavsumdan boshlab, Angliyada to'rtinchi o'rinni egallagan jamoa ham Chempionlar ligasining guruh bosqichiga to'g'ridan to'g'ri yo'l oladi. Ammo bu mavsumda to'rtinchi o'rinni egallagan jamoa bir holatda yo'llanmadan quruq qolishi, uning o'rniga Evropa Ligasiga yo'l olishi mumkin. EChL qoidalari bo'yicha, hech qaysi davlatdan 5dan ortiq jamoa chempionlar ligasida o'ynay olmaydi. Shuning uchun "Lester Siti" va "Manchester Yunayted" ushbu mavsumda Chempionlar ligasi va Evropa ligasida g'oliblikni qo'lga kiritsa, premer-liganing to'rtinchi klubi keyingi mavsumni Evropa ligasida boshlashiga to'g'ri keladi.
Eslab qolish uchun:
4 avgust - EChL 4-saralash bosqichi qur'asi
15-16 avgust – saralashning birinchi o'yini
22-23 avgust – saralashning javob o'yini
24 avgust - guruh bosqichi qur'asi
12-13 sentyabr - guruh bosqichi birinchi turi
2018 yil 26 may - Kievda bo'lib o'tadigan Chempionlar ligasi finali.
"Liverpul" qolgan olti uchrashuvni hisobga olib, kuchli to'rtlik masalasini hal qila olarmikan?
Mavsumning qolgan uchrashuvlari:
- Vest Bromvich (mehmonda)
- Kristal Pelas (uyda)
- Uotford (mehmonda)
- Sautgempton (uyda)
- Vest Xem (mehmonda)
- Midlsbro (uyda)
— deya xabar beradi uff.uz nashri.