Oliy liga tartib-intizom qo'mitasi qaroriga ko'ra "Dinamo"ga qarshi 4- turda maydondan chetlatilgan jamoamiz yarim himoyachisi Oybek Qilichev ikki o'yinga diskvalifikatsiya qilindi. Samarqanddagi uchrashuvda futbolchimiz 75- daqiqada o'z o'rnini Darko Stanoevichga bo'shatgach muxlislarga qarata xaqoratli imo-ishora ko'rsatgani uchun shunday jazoga tortildi. Qilichev shuningdek jarima ham to'laydi. Oybek 5- turda "Mash'al" bilan o'yinni o'tkazib yuborgandi. Endi diskvalifikatsiya sababli u "Metallurg" bilan (6- tur, 15 aprel) to'qnashuvda ham "lochinlar"ga yordam bera olmaydi. Qilichev 7- turda (21 aprel) "Navbahor" - "Sho'rtan" qarama-qarshiligida maydonga tushishi mumkin.
— deya xabar beradi uff.uz nashri.