Myunxenning "Bavariya" klubi hujumchisi Tomas Myuller Evropa chempionlar ligasi chorak finali dastlabki bahsidagi "Real"dan uchralgan mag'lubiyatdan so'ng o'z fikrlari bilan o'rtoqlashdi. "Uchrashuv turlicha tassurot qoldirdi. Hisobni 2:0 ko'rinishiga keltirish uchun bizda yaxshigina imkoniyat bor edi. Ammo penaltidan foydalana olmadik. Bu vaqtda "Real" deyarli golli vaziyat yarata olmagandi. Ikkinchi bo'limda hushyorlikni yo'qotdik. Natijada tezkor gol o'tkazib yubordik. Keyin esa qizil kartochka natijasida bir kishi kam bo'lib o'yinni davom ettirdik. Shundan so'ng bizga o'yin jarayoni og'irlashib ketdi. Hisob 1:2 ko'rinishini olgach, shu hisobni ushlashga harakat qildik. Madridda barcha xatolarimizni to'g'rilash uchun bizda imkoniyatlar etarli darajada. O'z kuchimizga ishonamiz. "Bavariya"da "Real" ustidan g'alaba qozonishga qurbi etadigan futbolchilar bor", - deydi Myuller "Bavariya" rasmiy saytiga bergan intervyusida.
— deya xabar beradi uff.uz nashri.