Muhsin Nizomiddinov boshchiligidagi o'rinbosarlarimiz Muborakda “Mash'al” yoshlariga qarshi maydonga tushdi. Uchrashuvda mezbonlar kichik hisobda g'alaba qozonishdi. 6-daqiqada mezbonlar dastlabki xavfli vaziyatni yuzaga keltirishdi. Himoyachilarimiz ushbu vaziyatda yaxshi o'ynashdi. 11-daqiqada Doston Meliqo'zievda yaxshi imkoniyat vujudga kelgan edi. Raqib himoyachisi chaqqonlik qildi. Uchrashuvning 20-daqiqasida jarima maydonchamiz ichida to'pni qo'li bilan o'ynagan Ismoil Oxunjonov maydondan chetlatildi. Darvozamizga esa penalti belgilandi. Maradona Safarov penaltini aniq amalga oshirib, hisobni ochdi. 36-daqiqada Abror Rahmonovning zarbasi biroz yuqoridan o'tib ketdi. Ikkinchi taymni vakillarimiz shiddatli boshlashdi. 51-daqiqada yaxshi kombinatsiya ijro etildi. Andrey Sidorovdan ko'ra darvozabonda imkoniyat yaxshiroq bo'ldi. 67-daqiqa Abror Rahmonov o'ng qanotda raqibni aldab o'tib Sidorovni to'p bilan ta'minladi. Andrey himoyachiga to'pni oldirib qo'ydi.74-daqiqada raqiblar ikinchi marta gol urishgan edi. Lekin o'yindan tashqari holat qayd etildi. 89-daqiqada Sobir Hamidov hujumga o'tgan edi. Raqibning 4 futbolchisi qurshovida qolib ketdi. Natijada to'p oldirildi. Bosh hakam ikkinchi bo'limga besh daqiqa qo'shib berganiga qaramay, o'yin yakuniga qadar hisob o'zgarishsiz qoldi. Buning ustiga Sobir Hamidov ham qizil kartochka bilan jazolandi. Hamidovga qanot hakami bilan gaplashgani uchun qizil kartochka ko'rsatildi. Shu tariqa o'rinbosarlarimiz mavsumdagi ikkinchi mag'lubiyatni tan olishga majbur bo'lishdi. Ochig'ini aytish lozim bugun yomon o'ynamadik faqat 20-daqiqadayoq maydonda bir kishi bo'lib qolganimiz pand berdi. Yoshlar ligasi. 6-tur «Mash'al» – «Qo'qon-1912» 1:0 (1:0)
Gol: Maradona Safarov 21 penalti, – 1:0.
«Mash'al»: 53. R. Davronov, 3. T. Mamatov, 7. V. Pavlenko, 8. S. Meliev, 9. U. Sharipov, 16. M. Safarov (S), 17. D. To'raev, 22. Sh. Abduraximov, 23. Sh. Yo'ldoshev, 26. I. Timanyuk, 47. M. Meliev
«Qo'qon-1912»: 30. Islom Abdullaev, 28. Avaz Mamatxo'jaev, 23. Ismoil Oxunjonov, 4. Doniyor To'lashev, 24. Ma'mur Rahimov, 70. Sobir Hamidov, 29. Iqbol Malikjonov, 15. Ibrohim Ahmadjonov, 8. Baxtiyor Abdubannonov, 10. Abror Rahmonov, 11. Andrey Sidorov
Chetlatishlar: Ismoil Oxunjonov 20, Sobir Hamidov 90+3.
— deya xabar beradi uff.uz nashri.