"Roma" bosh murabbiyi Luchano Spalletti yangi mavsumdan "Inter" boshqaruvini qo'lga olishi mumkin. Football Italia xabariga ko'ra, milanliklar Spalletti bilan muzokaralarni boshlashgan. Oldinroq matbuotda bu murabbiyning yangi mavsumda "Yuventus"ni boshqarishi ehtimoli borligi haqida xabarlar tarqalgandi. "Roma" esa Spalletti o'rniga Roberto Manchini nomzodini ko'rib chiqmoqda. Premium Sport nashrining xabar berishicha, rimliklar 52 yoshli mutaxassis bilan aloqaga ham chiqishgan. Aytishlaricha, Manchini "Roma"da "Inter"dagi maoshi (4,5 million evro)dan kamroq olishga ham rozi bo'lishi mumkin.
— deya xabar beradi uff.uz nashri.