Endilikda «Qo'qon-1912» jamoasining sobiq futbolchisi Bahodir Pardaev J.Koreyaning «Bucheon-1995» klubi a'zosiga aylandi. Hujumchi yil boshida «Buxoro»dan qo'qonliklar safiga borib qo'shilgan edi. «Bucheon-1995» Janubiy Koreyaning K League Challenge divizionida ishtirok etadi. Bu mamlakatdagi ikkinchi darajali liga hisoblanadi. Biz futbolchimiz bilan bog'lanib, undan yangi klubi yuzasidan intervyu oldik. - Nechanchi raqamni tanladingiz? - 24. Bu raqam menga «Bunyodkor»da omad keltirgandi. O'ylaymanki, Koreyada ham shunday bo'ladi. - Bahodir, o'tgan mavsum «Buxoro» sharafini himoya qilgandingiz. Ko'hna shahar jamoasini tark etishingizga nima sabab bo'ldi? - Murabbiylar shtabining o'zgarishi ketishimga sabab bo'ldi. Jamoa muxlislariga katta rahmat. Faqat bir narsaga tushunmadim va haligacha uning javobini topa olmayapman. O'tgan mavsum avvalida «Buxoro» oldiga chempionatda 4-o'rinni egallash vazifasi qo'yilgan va bu maqsadga erishgandik. Lekin kutilmaganda klub rahbariyati murabbiylar shtabini hech qanday sababsiz haydadi. Nima uchun, axir? Shunisi menga juda ham qiziq bo'l-yapti. - Keyin «Qo'qon-1912» jamoasida paydo bo'ldingiz. Mavsumni boshladingiz ham. Lekin kutilmaganda Koreyaga yo'l oldingiz. Shartnomada shunday band bormidi? - Ha, «Qo'qon-1912» jamoasidan yaxshi taklif tushdi. O'sha paytda boshqa klublardan ham qiziqish bor edi. Lekin o'ylab ko'rib, «Qo'qon-1912» variantida to'xtadim. Chunki bu jamoada No''mon Hasanov bosh murabbiy edi. Ushbu mutaxassis qo'l ostida «Paxtakor»da o'ynagandim. Bir-birimizni yaxshi bilardik. Mendan tashqari «Buxoro»da birga to'p surgan yana 3 futbolchi - Ruslan Melziddinov, Aleksandr Merzlyakov va Murod Xolmuhammedov ham «Qo'qon-1912» bilan bitim tuzishdi. Lekin shartnomada ketishim haqida band yo'q edi. Koreya klubidan taklif tushganini No''mon akaga aytganimda, bunga rozilik berdilar. O'zlari futbolchi bo'lganlari uchun «Bunday imkoniyatni qo'ldan chiqarish kerak emas, menga ham o'z vaqtida xorijdan taklif tushganida bormaganman, sen bu xatoni takrorlama», dedilar. Shunday vaziyatda meni tushunganliklari uchun rahmat aytdim. Mabodo, ma'lum sabablarga ko'ra, Koreyadan qaytsam, «Qo'qon-1912» eshiklari men uchun ochiqligini ham qo'shimcha qildilar. - Koreya klubi siz bilan qanday bog'landi? Transfer qay tarzda amalga oshdi? - «Bucheon-1995» jamosidan taklif tushdi. Bu transferni Farrux Sayfullaev koreyalik agentlar orqali omalga oshirdi. - Janubiy Koreya klubi «Qo'qon-1912» jamoasiga  ma'lum miqdorda transfer summasini to'lab berdimi? - Yo'q. Hech qanday to'lov amalga oshirilmadi. - Shartnoma qancha muddatga imzolandi? - Bir yilga. Aniqrog'i, 2017 yilning 31 dekabr kuni «Bucheon-1995» jamoasi bilan imzolagan shartnomam muddati yakunlanadi. - Koreya klubi varianti nimasi bilan sizni o'ziga qarata oldi? - Bir-ikki yildan beri xorijda o'ynash, o'zimni sinab ko'rish istagi bor edi. Nihoyat, bu yil shunday imkoniyat yuzaga keldi. Legioner nomiga munosib bo'lishga harakat qilaman. - Yangi jamoangizning ilk mashg'ulotida ishtirok etdingiz. Taassurotlar qanday? - Hammasi ajoyib. O'zimni yangi muhitda yaxshi his qilyapman. - Yangi klubingizdagi sharoitlar sizni qoniqtiryaptimi? - Ha, sharoitlar juda ham yaxshi. Alohida uy va mashina berishdi. - Bu klubga o'tishda sizdan sal avval ushbu mamlakat birinchi ligasi jamoasi safiga borib qo'shilgan Bahodir Nasimov bilan maslahatlashdingizmi? - Albatta. Nasimovdan tavsiya oldim. To'g'risini aytsam, haligacha maslahat so'rayapman. Buning uchun adashimga minnatdorchilik bildiraman. - Koreyada Bahodir Nasimov bilan uchrashmadingizmi? Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.