“Mash'al” – “Qo'qon-1912” uchrashuvidan keyin o'tkazilgan matbuot anjumanining birinchi qismida jamoamiz ustozi No''mon Hasanov qatnashdi. “O'yin zerikarli bo'ldi. Bahsning bu tarzda o'tishiga har ikki jamoa ham himoyaviy taktika tanlashgani sabab bo'ldi. Ochiq futbol bo'lmadi. G'alaba qozonishimiz mumkin edi, ammo so'nggi daqiqalarda gol o'tkazib yubordik. Bu futbol, o'yin shunisi bilan ham qiziq. “Mash'al” bilan safarda durang o'ynash ham men uchun oldinga tashlangan qadam. Albatta yutishni xohlardik.
Biz “arab futboli” namoyish etmadik. Futbolchilarimizda tomir tortishish holatlari va jarohatlar bo'lgani uchun maydonda yotishdi. Barchasi tabiiy holat. Yigitlarim charchab qolishdi. Men hech qachon shogirdlarimga vaqtni chuzishga ko'rsatma bermayman. Biz bunaqa futbol tarafdori emasmiz.
— deya xabar beradi uff.uz nashri.