Turkiyaning “Beshiktosh” klubi futbolchisi Rayan Babel Evropa ligasining haftadagi eng yaxshi futbolchisi deya e'tirof etildi. Bu haqda UEFA rasmiy sayti xabar beradi. Eslatib o'tamiz, Babel kecha “Lion”ga qarshi safar o'yinida frantsiyaliklar darvozasiga to'p kiritgandi. Lekin “Beshiktosh” hisobda oldinda borayotgan bo'lsada 1:2 hisobida mag'lubiyatga uchradi. Rayan Babel so'rovnomada 34 foiz ovoz olib, ro'yxatning birinchi o'rnini egallagan bo'lsa, ikkinchi o'rinni “Ayaks” yarim himoyachisi Davi Klaassen 30 foiz ovoz bilan egalladi. Kuchli uchlikning so'nggi o'rnini “MYu” yarim himoyachisi Geynrix Mxitaryan 25 foiz ovoz bilan yakunlab berdi.
— deya xabar beradi uff.uz nashri.