“Manchester Yunayted” jamoasi bosh murabbiyi Joze Mourino “Anderlext”ga qarshi uchrashuvda tayyor g'alabani qo'ldan chiqargan shogirdlarini tanqid ostiga oldi.   “Bunday kechadigan o'yinlarni tezda o'z tomoningga og'dira olmasang imkoniyatni qo'ldan chiqargan bo'lasan. O'yin davomida gol urish uchun bir nechta vaziyatlarni ko'kga sovurdik. Bundan tashqari  juda ko'p xatoga yo'l qo'ydik, raqibning bir harakati bilan darvozamizdan gol o'tkazib yubordlik. Jiddiyroq o'ynash kerak edi, o'yin taqdirini hal qila olmagan futbolchilar harakatidan noroziman. Reshford, Lingard, Ibragimovich, Marsyal bularning hammasi shunchaki oddiy uslubda o'ynashdi, futbolchi degani maydonga tushgandan so'ng jamoaga foyda olib kelishni o'ylashi shart”, - deydi Mourino BBC Sport nashriga bergan intervyusida.
— deya xabar beradi uff.uz nashri.