Madridning «Real» klubi Ispaniya chempionati 32-tur doirasida «Sporting»ga qarshi kechadigan bahsda ishtrok etishi mumkin bo'lgan futbolchilar qaydnomasini e'lon qildi. «Qirollik klubi» bosh murabbiyi Zinedin Zidan zayavkaga 18 futbolchini kiritdi, bularning ichida «Kastilya» himoyachisi Alvaro Texero va hujumchi Mariano Diaslar ham bor. Frantsiyalik mutahassis kutilganidek EChL chorak finali javob uchrashuvini inobatga olgan holda bir nechta futbolchilarga dam olish imkonini berdi. Keylor Navas, Krishtiano Ronaldu va Karim Benzemalar bunga misol bo'lsa, Dani Karvaxal sariq kartochkalari yig'ilib qolgani bois maydonga tusha olmaydi, shuningdek jarohat sabab Garet Beyl, Pepe va Rafael Varanlar ham madridliklarga yordam bera olmaydilar. O'yin qaydnomasiga kiritilgan futbolchilar bilan tanishing: Darvozabonlar: Kiko Kasilya, Ruben Yanes. Himoyachilar: Serxio Ramos, Marselo, Nacho Fernandes, Danilo, Fabio Koentrao, Alvaro Texero. Yarim himoyachilar: Toni Kroos, Xames Rodriges, Kazemiro, Mateo Kovachich, Luka Modrich, Marko Asensio, Isko. Hujumchilar: Lukas Vaskes, Mariano Dias, Alvaro Morata. Madridliklar kecha Valdebebasdagi o'quv-mashg'ulot bazasida o'yin oldidan so'nggi mashg'ulotni o'tkazdilar. Garet Beyl mashg'ulotlar zalida individual mashqlarni bajargan bo'lsa, jarohatini tiklayotgan Pepe va Varanlar mashg'ulotlarda qatnashmadilar. «Sporting»ga qarshi uchrashuv bugun soat 19:15 da boshlanadi. Hala Madrid! blogidan olindi.
— deya xabar beradi uff.uz nashri.