Toshkentning "Lokomotiv" va Angliyaning "Flitfude Taun" klubi o'zaro hamkorlikka binoan "temiryo'lchilar"ning ikki futbolchisi - darvozabon Rustam Nortojiev va himoyachi Sergey Proxorov "tumanli albion"da malaka oshirishga kelishib olgan edi. Ayni paytda ikki futbolchimiz Angliyada bo'lib turishibdi. Rossiyaning Sports.ru saytidagi "O'zbek oshxonasi" (Uzbekskaya kuxnya) bogida Rustam bilan suhbat e'lon qilingan. Rustam o'z so'zida terma jamoa uchun Angliya pasportidan so'zsiz voz kechishini bildirgan. -  O'zbekistonlik yosh futbolchi Bobur Davlatovga "Manchester Siti" bilan shartnoma tuzish uchun unga ingliz pasportini olishni taklif qilishgan edi. Sizga shunday taklif bo'lsa, qanday yo'l tutasiz? - So'zsiz rad etaman. Chunki men O'zbekiston terma jamoasi uchun o'ynashni istayman. Men shu erda tug'ildim. Vatanim shu er. Terma jamoa bilan katta muvaffaqiyatlarga erishmoqchiman", - dedi Nortojiev.
— deya xabar beradi uff.uz nashri.