Oliy liganing 6-turi doirasida bo'lib o'tgan "Obod" - "Olmaliq" uchrashuvidan so'ng mehmonlar bosh murabbiyi Viktor Kumikov o'z fikrlarini bildirdi.
"Ochig'ini aytaman, "Obod"dan yaxshi o'ynamadik. Hozir bizga ochkolar juda zarur. Chiroyli o'yin ko'rsata olmayapmiz, shu bois asosiysi g'alaba.
Jamoamiz deyarli yangi tuzilgan. Shu bois hali ko'p ish qilishimiz kerak. Sekin-asta chiziqlar orasidagi bog'liqlar yaxshilanmoqda. 
Biz har bir raqibga alohida tayyorgarlik ko'ramiz va shunga yarasha taktika tanlaymiz. Barchasini reja bo'yicha amalga oshirdik. 
Barcha standart vaziyatlar ustida ishlaymiz, hatto o'z yarim maydonimizdagi standart vaziyatlarga ham tayyorgarlik ko'ramiz. Barcha vaziyatdan gol urishning imkoni yo'q. 
Kuchsiz jamoa yo'q, barcha harakat qilmoqda. Favoritlar mag'lub bo'lishmoqda. Birinchi davra oxirida barchasi oydinlashib qoladi. Hozir mavsum endi boshlandi, yozda esa jismoniy holatga ko'p narsa bog'liq bo'ladi".
— deya xabar beradi uff.uz nashri.