Bugun bo'lib o'tgan uchrashuvdan so'ng mezbonlar ustozi Rauf Inileev o'z fikrlarini bildirdi. "Bugungi o'yin birinchi xatoga qadar edi. Biz "Olmaliq" qanda o'ynashini bilardik. Ko'p havodan to'p uzatishlar bo'lishini bilardik. Ularda bo'yi uzun futbolchilar juda ko'p. Uzoqdan ko'rinmagandir, ammo futbol qoidalariga ko'ra hujum vaqtida darvozabonga tegish mumkin emas. Gol bo'lgan vaziyatda bizning darvozabonimizga qarshi shunday o'ynaldi.  Afsuski birinchi taymda Abror Xusinov jarohat olib maydonni tark etdi. Aynan u burchak to'plari vaqtida darvozabonning oldida turib to'plarni qaytarib turardi.   Norxonovda tezlik katta, Xaipovda esa golni sezish qobiliyati kuchli. Shu bois Navro'zbek markazda, Norxonov qanotda o'ynadi. 
"Barselona"da ham ba'zida o'yini chiqmaydi. Raqib kuchli pressing qilsa har qanday jamoa qiynaladi. Biz bugun to'pni erda ushlashga harakat qildik, o'xshamadi. O'tgan turda "Olmaliq" "Nasaf"ga qarshi uchrashuvda ham shunday o'ynagandi va bitta xatodan so'ng gol urishgandi".
— deya xabar beradi uff.uz nashri.