"Manchester Siti" bosh murabbiyi Xosep Gvardiola jamoa yarim himoyachisi David Silva haqida iliq fikr bildirdi.
"Bilasizmi, men baxtli yigitman, chunki Xavi va Inesta kabi futbolchilarga murabbiylik qilganman. Endi vaziyat o'zgardi, chunki mening qo'l ostimda David Silva bor. Bu o'rinda gap buyuk futbolchilar haqida ketmoqda, deb o'ylayman.
Silva har bir mashg'ulotda meni qoyil qoldiradi. U mana necha yildirki yuqori saviyada o'ynab kelmoqda. Silva yaqinda "Manchester Siti" uchun 300 o'yinini o'tkazdi. Menimcha u yanada oldinga bora oladi.
Yodimda, hali "Barselona"ni boshqargan vaqtlarimda "Valensiya" bosh murabbiyi bo'lib turgan Unai Emeri bilan gaplashgan edim. U menga: "Silva "Barselona"ga kerak bo'lgan o'yinchi. Menga ishoning", degan edi. Emerining fikriga to'liq qo'shilaman, u haq edi. Silva iqtidorli futbolchi. Unda qandaydir o'ziga hos narsa bor va u dunyodagi barcha sovrinlardan muhimroq", - deydi Gvardiola.
— deya xabar beradi uff.uz nashri.