Madridning "Real" klubi sardori Serxio Ramos "Barselona" futbolchisi Jerar Pikega madridlik futbolchilar haqida aytayotgan gaplari faqat e'tiborni o'ziga tortish uchun kerakligini bildirdi.
"Pike "Real"ga hujum qilarkan, bu o'ziga hos ta'sirga ega bo'ladi. Aslida bunday ish qilmaslik kerak. Ammo hamma joyga tinchlik cho'kkan vaqtda Pike qo'shimcha mojarolar keltirib chiqarishga harakat qiladi va shu orqali boshqalarni ham tetiklashtirmoqchi bo'ladi.
Men juda qiziqqon yigitman. Ammo "Real" va Ispaniya terma jamoasi sardorlik bog'ichini taqqan vaqtingda boshqacha o'ylashga to'g'ri keladi. Pike darhaqiqat "Real" futbolchilari haqida yomon fikrda, deb o'ylamayman", - deydi Ramos.
— deya xabar beradi uff.uz nashri.