Myunxenning "Bavariya" klubi bosh murabbiyi Karlo Anchelotti Bundesliganing 29-turida "Bayer"ga qarshi uchrashuv oldidan o'z fikrlari bilan o'rtoqlashdi. "Real"ga qarshi uchrashuv haqida gapirishni istamayman va bunga vaqtim ham yo'q. Hozir bizning butun diqqat-e'tiborimiz Leverkuzendagi uchrashuvga qaratilgan. Bizni oldinda muhim bahs kutib turibdi. Maqsadimiz ijobiy o'yin namoyish etib, g'alaba qozonish. Albatta, oxirgi o'yin natijasi bizni xafa qildi. Lekin futbolchilarimni yaxshi bilaman va bugun xarakter ko'rsatib, individual ustunliklarini namoyish etishlariga ishonaman", - deydi Anchelotti klub matbuot xizmatiga bergan intervyusida.
— deya xabar beradi uff.uz nashri.