O'zbekiston chempionati oliy ligasida 5-tur uchrashuvlari ortda qoldi. O'tgan yili elitadagi o'rnini saqlab qolgan «So'g'diyona» dastlabki 4ta uchrashuvda bor-yo'g'i 3 ochko jam-g'ardi. Jizzaxliklarning natijalari salbiy ko'rinish olishiga, qaysidir ma'noda, qur'a­ning omadsiz kelgani ham sabab bo'ldi. Davron Fayziev shogirdlari ketma-ket «Bunyodkor» va «Lokomotiv» klublariga qarshi safarda maydonga tushishdi. Biz 5-tur uchrashuvi oldidan jamoaning yangi a'zosi Alisher Mahmudovdan intervyu oldik. Ta'kidlash jo-iz, ushbu futbolchi uchun «So'g'diyona» begona emas. U bir necha yil avval Jizzax klu-bi sharafini himoya qilgandi. - Alisher, yil boshida «Navbahor»ni tark etdingiz. Bunga nima sabab bo'ldi? - Jamoa bosh murabbiyi bilan kelisha olmadik, fikrimiz bir joydan chiqmadi. Namangandan ketishimning asosiy sababi ham shu. Vaziyat ijobiy tomonga o'zgarmagach, «Navbahor»dan ketishga qaror qildim. - Nima sababdan chiqisha olmadinglar? Balki, bosh murabbiyga o'yin uslubingiz to'g'ri kelmagandir? - Menimcha ham shunday. - Faqat shumi sababi? - Murabbiy menga ishonch bildirmadi. Oxir-oqibat ketishga majbur bo'ldim. - Shartnomangiz yakuniga etganmidi? - Ha. - «Navbahor» rahbariyatining sizdan qarzi bormi? - Yo'q. Men bilan hisob-kitob ishlari to'liq amalga oshirilgan. - Uzoq vaqt «Navbahor» sharafini himoya qildingiz. Ketish oson bo'lmagandir? - Albatta. Jamoa va uning muxlislari men uchun qadrdon bo'lib qolishgan. Lekin bu - hayot. Futbolchining qismati shunday. - Mavsum avvalida «Alisher «Buxoro»ga o'tar ekan», degan xabarlar ham paydo bo'lgandi... - Yo'q, bu jamoadan taklif olmagandim. Mazkur xabar meni ham hayron qoldirdi. - «So'g'diyona»dan tushgan taklif sizni nimasi bilan o'ziga jalb qildi? - Bu jamoada avval ham o'ynaganman. Eng asosiysi, menga Davron Fayzievning o'zi taklif bilan chiqdi. Bu insonni ham futbolchi, ham murabbiy sifatida hurmat qilaman. - Boshqa klublardan taklif tushmadimi? - Yana ikkita jamoa qiziqish bildirdi, lekin «So'g'diyona»ni ulardan ustun qo'ydim. - Qancha muddatga shartnoma imzoladingiz? Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.