«Manchester Yunayted» Evropa Ligasida o'z o'yinini o'tkazdi, ammo Antonio Kontening fikricha yakshanba kungi bahsda bu “Chelsi” o'yinchilariga hech qanday ustunlik taqdim etmasligi mumkin. 20 yildan beri ilk marotaba “Chelsi” evrokuboklarda ishtirok etmadi. Kontening tan olishicha bu ayrim jihatlarda unga qo'l keldi. Ammo italiyalik murabbiyning fikriga ko'ra bu omil jamoaning muvaffaqiyati uchun asosiy sabab bo'la olmaydi. “Men bu kabi hodisaga “Yuventus”dagi ilk mavsumimda duch kelgan edim” – deydi Konte. “Liverpul”da ham huddi shunday vaziyat. Albatta, jamoa bilan ishlashda bizda ko'p vaqt bo'ldi. Bu mening yangi jamoadagi ilk mavsumim, shuning uchun ham o'z o'yin uslubimni jamoaga singdirish uchun ko'proq vaqtga ega bo'lish muhim. APLda peshqadamlik qilayotganimizning yagona sababi deb shu omilni hisoblasangiz, siz qattiq yanglishasiz”. ”Biz juda katta ishni amalga oshiroqdamiz, va umid qilamanki Chempionlar Ligasidek buyuk musobaqada ishtirok etamiz”. ”MYu” bir hafta ichida Evropa Ligasi doirasida 2 ta muhim o'yinni o'tkazishi, “Chelsi”ga qo'l keladimi degan savolga Konte quyidagicha javob qaytardi: “Bu haqida fikr bildirishga hali erta deb hisoblayman. Men fikrimni o'yindan so'ng, yaxshi natijadan keyin bildiraman. Mavsumning bu pallasida hamma jamoa kuchli o'yin namoyish etadi va yaxshiroq ko'rsatkichlarga erishish uchun jang olib boradi”. “Men bitta narsaga aminman, ular o'z uyida yaxshi o'yin o'tkazib, bizni mag'lubiyatga uchratishga harakat qilishadi va o'rtadagi 3 ochko biz uchun ham “Yunayted” uchun ham juda muhim”.
— deya xabar beradi uff.uz nashri.