Boks yakkakurashlar ichida sportning eng ommabop turlaridan biri hisobdanadi. Ushbu sport turi tarixida juda ko'plab kuchli va afsonaviy jangchilar bo'lgan. Ularning orasidan  hattoki mag'lub bo'lmagan charm qo'lqop ustalari ham topiladi. Biz bugun aynan professional boks tarixida engilmagan "ring qirollari" haqida to'xtalib o'tamiz.
Edvin Valero (27-0, 27 KO) – 2002-2010
Professional boksda  o'zining barcha janglarida nokaut bilan g'alaba qozonib, jahon rekordini o'rnatgan bokschi Edvin Valerodir. Venesuelalik "ring qiroli" 27 bor ringga ko'tarilib, barchasida raqiblarini muddatidan oldin mag'lub etgan va ulardan 18 tasi birinchi raunddayoq sodir bo'lgan. Professional boksning engil vaznida 2002-2010 yillarda faoliyat olib borgan ushbu bokschi yaqin yillarda Menni Pakyaoning asosiy raqobatchisi sifatida qaralayotgan edi. Lekin 2010 yilda Edvin Valero turmush o'rtog'ining o'limida ayblanib, hibsga olindi va  o'z aybiga iqror bo'lib bir necha soatdan so'ng qamoqxona kamerasida o'z joniga qasd qildi. Shu tarzda uning boksdagi faoliyati va hayoti yakun topdi.
Jo Kalzage (46-0, 32 KO) – 1993-2008
1993 yilda professional boksda birinchi jangini o'tkazgan uelslik sportchi tez orada o'z nomiga ega bo'ldi. Super o'rta vazn toifasida harakat qilgan  bokschi 1997 yil WBO yo'nalishining oltin kamari uchun jangda Kris Yubenkka qarshi ringga ko'tarilib, g'alaba qozonadi va ushbu kamarni faoliyatining so'ngigacha hech kimga bermaydi. 46 bor ringa chiqqan Jo Kalzage ularning barchasida g'olib bo'lib, 32 bor raqiblarini nokautga uchratgan. 2008 yil aprelda Bernard Xopkins, noyabrda Roy Jons bilan janglarda g'alaba qozongach, Jo Kalzage mag'lub bo'lmagan holda katta boksni tark etadi.
Davomi Sports.Uz blogida.
— deya xabar beradi uff.uz nashri.