Turning so'nggi o'yinida Farg'onaning “Neftchi” jamoasi o'z maydonida Toshkentning “Bunyodkor” klubini qabul qiladi. Xabaringiz bor, ayni paytda yurtimizdagi keng futbol jamoatchiligi og'ir hastalikka chalingan Sirojiddin Sayfievni qo'llash uchun “Taslim bo'lma, Siroj” aktsiyasini o'tkazmoqda. Mazkur aktsiyada ishtirok etayotgan Oliy liga klublari safida “Neftchi” PFK ham bor. Yakshanba kuni bo'lib o'tadigan 7-tur doirasidagi uchrashuvda Samarqand futboli tarbiyalanuvchisini qo'llab-quvvatlash uchun kichik tadbir o'tkazilinadi. Unda xar ikkala jamoa vakillari ham Sirojiddin Sayfievni qo'llab-quvvatlash haqidagi maxsus bannerlar bilan suratga tushishadi. 15 aprel kuni Yoshlar ligasi doirasida bo'lib o'tgan “Neftchi” – “Bunyodkor” bahsida mazkur aktsiyaning bir qismi o'tkazildi.
— deya xabar beradi uff.uz nashri.