Oliy liganing 6-turidan o'rin olgan “Sho'rtan”-“Paxtakor” uchrashuvidan so'nggi matbuot anjumanining ikkinchi yarimida ishtirok etagan “Sho'rtan” jamoasining bosh murabbiy vasifasini vaqtincha bajaruvchi jamoa texnik direktori– Ixtiyor Tog'aevich o'yin ta'surotlari haqida quyidagi fikrlarni bildirib o'tdi: - Avvalambor Qashqadaryo futbol muxlislari, G'uzor tumanimiz va qo'shni viloyatdan tashrif buyurgan surxondaryolik futbol ishqibozlarimizga bizlarni qo'llab-quvvatlayotganliklari uchun katta rahmat aytaman. O'yinga to'xtaladigan bo'lsak, bugun ham O'zbekistonimizning nomdor jamoalaridan biri, mamlakatimizning ko'p marotaba chempioni bo'lgan jamoaga qarshi maydonga chiqdik. Ular kuchli raqib ekani bilgandik va buni sidqidildan his etgandik. Shu sabab, himoyani o'yinning so'ngi daqiqasiga qadar ushlab turishga harakat qilgandik va golli vaziyatlarimizni samarali yakunlashni uddasidan chiqdik. Bugungi harakatlari uchun barcha futbolchilarimizga ham o'z minnatdorchiligimni bildiraman. - Zahiradan maydonga tushirgan futbochilarim o'yin tempini oshirib berishini his qilib turgan edim va natijada to'g'ri qaror qilganimga amin bo'ldim. - So'nggi ikkala raqibimizning ham jamoaviy o'yini va taktik jihatdan harakatlarini o'rganib chiqdik va tahlil jarayonida ularga qarshi himoyadan hujum qilish uslubini qo'llash kerak degan qarorga keldik. Bu futbolda tez-tez uchrab turadigan holatlardan biri. O'zlaringiz ko'rgan bo'lsangiz, Bavariya bilan Real uchrashuvida ham Real himoyalanib qarshi hujumlardan unumli foydalana oldi.  
— deya xabar beradi uff.uz nashri.