Angliya chempionatining 33-turidan o'rin olgan “Vest Bromvich“ – “Liverpul“ uchrashuvi o'z nihoyasiga etdi. Unda 0:1 hisobi qayd etilib, mersisaydliklarning g'alabasi bilan yakunlandi. “Liverpul” o'rtamiyona jamoalarga qarshi o'ta og'ir o'yinlar o'tkazishi an'anaga aylangan. Bu safar ham shunday bo'ldi. “Vest Brom“ ilk daqiqalardanoq himoyani mahkam ushladi va deyarli bo'sh zonalar qoldirmadi. Klopp shogirdlari hatto raqib jarima maydoniga ham etib kela olishmadi. Birinchi bo'limning so'nggi daqiqalarida “Liverpul“ standart vaziyat ishlab oldi va bu natijada golga olib keldi. Jarima zarbasidan so'ng Milnerning havodan uzatgan to'pini Lukas boshi bilan Firmino tashlab berdi va braziliyalik hujumchi yaqin masofadan Fosterni dog'da qoldirdi. Ikkinchi bo'limning dastlabki 20 daqiqasi “Liverpul“ning jiddiy bosimi ostida o'tdi va ikkinchi golni kiritishga yaqin edi. Lekin o'yinning so'nggi 15 daqiqasi kurashlarga boy chiqdi va mezbonlar so'nggi soniyalarda mersisaydliklarni ancha qiyin ahvolga solib qo'yishdi. Shunday bo'lsada, final hushtagiga qadar “Liverpul“ g'alabani saqlab qola bildi va o'ta muhim uch ochkoni qo'lga kiritib, uchinchi o'ringa qaytdi. Angliya chempionati, 33-tur Vest Bromvich – Liverpul 0:1 (0:1, 0:0)
Gol: 0:1 – 45 Firmino.
Vest Bromvich – Foster, Evans, Makoli, Douson, Robson-Kanu (Rondon, 64), Shadli (Morrison, 61), Livermor, Fletcher, Fillips, Yakob (Makkleyn, 64), Brant.
Liverpul – Minole, Matip, Lovren, Klayn, Milner, Leyva, Djan, Koutino (Moreno, 90), Veynaldum, Firmino, Origi (Starridj, 82).
Ogohlantirishlar: Brant (45), Robson-Kanu (49), Evans (66), Leyva (72).
— deya xabar beradi uff.uz nashri.