Iqtidorli futbolchilar etishtirib berayotgan jamoalar haqida turkum maqolalar tayyorlaydigan Championat.com sayti bu gal e'tiborini Dortmundning «Borussiya»siga qaratdi. Ushbu klubning yulduzlar fabrikasiga aylangani hech kimga sir emas. Ayniqsa, ularning tarbiyalanuvchilari ko'pincha «Bavariya» safidan o'rin olishlari ham ko'pchilikka ma'lum. Ammo dortmundliklar aynan shu masalaga echim topish harakatidalar. Xullas, «Borussiya» D.ning bugungi kunda ishlari chakkimas, biroq bunday natijalarga erishish oson bo'lmaganini ta'kidlash darkor. Zero bir necha yillar muqaddam jamoa juda ayanchli ahvolga tushib qolgandi. Mablag' yo'lida inqilob 2005 yilning marti «Borussiya» ishqibozlari yodiga noxush voqealar bilan muhrlangan. Bert van Marveyk klubdagi avlodlar almashuvi jarayonini samarali amalga oshira bilmadi. Yan Kollerning gollari etarli bo'lmayotgan, EChL yo'llanmasi uchun kurashayotgan jamoa mavsum yakunida umuman evrokuboklarsiz qolgandi. Ammo eng noxush holat maydon tashqarisida kuzatildi. Klub qarzlari miqdori 100 mln. evrodan oshib ketdi. Ehtimol, bu summa hozir g'alati tuyular, ammo 12 yil muqaddam futboldagi narxlar butkul boshqacha bo'lganini unutmaslik darkor. Navbatdagi mavsum uchun to'lovlarni qoplash imkoni tobora kamaydi. Bankrotlik haqida gap-so'zlar boshlandi. Jiddiy o'zgarishlar payti kelgandi va klub o'z oldiga aniq maqsad qo'ydi. Matias Zammerga chempionlik tarkibini tuzib bergan (kredit evaziga) shaxslar - Mixael Mayer hamda Gerd Nibaum klubni tark etishdi. Yangi bosh direktor sifatida moliyachi va «Borussiya» ishqibozi Xans-Yoakim Vattske tanishtirildi, prezidentlikka Raynxard Rauball tayinlandi. Asosiy e'tibor iqtisod qilishga qaratildi: ayrim o'yinchilar tekinga qo'yib yuborildi, ba'zilarning maoshi qisqartirildi. Avvalroq stadion sotib yuborildi... O'sha pallada klub bankrotlikdan qutqarib qolindi, ammo uning kelajagi hamon xavf ostida edi: hamma pul qarzlardan qutulishga sarflandi. Yangi rahbariyat moliyaviy barqarorlikni ta'minlash asosiy vazifa ekanini bildirdi va shu tariqa natijalar vaqtincha ikkinchi darajaga tushib qoldi. Van Marveyk, Yurgen Ryobber, Tomas Doll. Zammer ketganidan so'ng o'tgan to'rt yil ichida klub bundesligada 7-pog'onadan yuqoriga ko'tarilmadi. Transfer siyosati hamon muayyan printsipga asoslangandi - «boshqalarga kerak bo'lmaganlarni sotib olish». O'sha pallada Morgan Stanley banki yordamida asta-sekin qarzlar ham yopildi. Bir yil o'tib «Borussiya» mutasaddilari stadion sotib olishdi. Nihoyat, futbol haqida o'ylaydigan palla etib kelayotgandi. Kelajakka Klopp bilan Vattske sport direktori Mixael Tsork va moliyaviy masalalarga mas'ul Tomas Tresh bilan maslahatlashgach, tavakkalga asoslangan qimmatbaho transferlar siyosatiga qaytmaslikka qaror qildi. Boz ustiga, banklardagi inqiroz endigina murakkab vaziyatdan chiqqan loyiha aktsiyalariga salbiy ta'sir o'tkazgandi. Xullas, ixtiyoridagi imkoniyatlar bilan yuqori cho'qqilarni zabt etib, shu maromni ushlab turishga qodir murabbiyga ehtiyoj tug'ildi. Tanlov Yurgen Klopp nomzodida to'xtadi: ushbu mutaxassis «Maynts»ni klub tarixida ilk bor bundesligaga olib chiqib, keyingi ikki yil mobaynida elitadagi o'rnini saqlab qoldi. Hattoki, bir marta evrokuboklarda qatnashishga ham erishdi. Kloppga aralash tarkib nasib etdi. Himoyada faxriy Dede, hujumda Aleksandr Fray va klub afsonaligiga da'vogar rolida Sebastyan Kel. Jamoa u qadar qimmat bo'lmagan o'yinchilar hisobiga kuchaytirildi: Patrik Ovomoyela, Muhammad Zidan hamda Felipe Santana - bu uchovlonga 7 mln. evroga etmagan mablag' sarflandi. Yana 4 mln. evro «Maynts» himoyachisi, Kloppning o'yin tizimiga mos tushuvchi futbolchi Neven Subotichning transferiga ajratildi. Roman Vaydenfeller va Yakub Blashikovski asosiy tarkibga qaytarildi, o'rinbosarlar safidan Marsel Shmeltser chiqib keldi. Avvalroq Nuri Shahin xuddi shunday sharafga munosib ko'rilgandi. Ammo bu ham Klopp jamoasining so'nggi so'z emasdi, chunki yoshi o'tgan legionerlar soni hamon ko'p edi. Shunga qaramay, yo'nalish aniqlab olingandi. Iste'dodlarni quyidan qidirish Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.