«Chelsi» klubi «Manchester Yunayted»ga (0:2) qarshi kechgan o'yinda raqib darvozasi tomon bir marta ham aniq zarba yo'llay olmadi. Bunday hodisa «ko'klar» ishtrokida 2007 yilning sentyabr oyidan beri kuzatilmagan edi. O'shanda «Chelsi» bugungidek «Manchester Yunayted»  bilan to'qnash kelgandi. Londonliklar o'sha bahsda ham 0:2 ga yutqazib, darvoza tomon bironta aniq zarba yo'llay olmaganlar. «Manchester Yunayted» bugun raqib darvozasi tomon to'qqiz bor zarba yo'lladi. Shularning uchtasi aniq chiqdi va ikkitasi golga aylandi. «Chelsi» raqib darvozasi tomon besh bor zarba yo'llagan, biroq ularning hech biri darvoza tomon aniq bormagan.
— deya xabar beradi uff.uz nashri.