«Barselona» klubi sobiq yarim himoyachisi, ayni paytda Londonning «Chelsi» klubi sharafini himoya qilayotgan Sesk Fabregas «Bavariya» bosh murabbiyi Xosep Gvardiola Angliyada ishlashiga shubha qilmasligini aytdi.
«Men Gvardiola Premer-ligada ishlashiga zarracha shubha qilmayman», — Fabregasning so'zlaridan iqtibos keltirmoqda, Cope nashri.
Ta'kidlash joiz, Gvardiolaning nemis klubidagi kelajagi hamon aniq emas. Avvalroq murabbiyning agenti Xosep Mariya Orobitg mijozining rejalari hattoki unga ham qorong'u ekanini bildirgan edi.
Gvardiolaning «Bavariya» bilan shartnomasi 2016 yilning yoziga qadar davom etadi.

— deya xabar beradi uff.uz nashri.