«Barselona» hujumchisi Neymar Chempionlar ligasi chorak finalida «Yuventus»dan uchralgan 0:3 hisobidagi mag'lubiyat haqida fikr bildirdi.
- Biz javob o'yinida hammasini o'zgartira olishimizga ishonishimiz lozim. Yaqinda otam menga bir gap aytdi, hech miyamdan chiqmayapti. Menimcha bu juda to'g'ri gaplar. U shunday dedi: qaysi jamoaga qarshi maydonga tushishning ahamiyati yo'q, muhimi shundaki - biz har doim «Barselona» bo'lib qolamiz va buni hech qachon o'zgartirib bo'lmydi.
Demak biz olg'a qadam bosa olamiz. Bu ishni bir marta uddalay oldik va yana takrorlash imkoniyatiga egamiz. Men jamoamiz va uning kuchiga ishonaman. Yo'qotadigan hech narsa yo'q, - deydi Neymar.
Eslatib o'tamiz, «Barselona» EChL nimchorak finalida «PSJ»dan safarda 0:4 hisobida mag'lub bo'lgan va javob o'yinida 6:1 hisobida g'alaba qozonib, keyingi bosqichga chiqqan edi.
— deya xabar beradi uff.uz nashri.