«Torino»da ijara asosida to'p surayotgan «Manchester Siti» darvozaboni Jo Xart yana Angliya chempionatida faoliyatini davom ettirishi mumkin. Darvozabonga «Manchester Yunayted» va «Chelsi»dan qiziqish mavjud.
Xabar qilinishicha, «MYu» David De Xea bilan hayrlashgan taqdirda Jo Xartni sotib olmoqchi. «Chelsi» esa Tibo Kurtuani sotishga to'g'ri kelsa o'rniga Jo Xartni olmoqchi. Eslatib o'tamiz, har ikki darvozabonga «Real» tomonidan qiziqish borligi xabar qilingan edi.
Shu bilanbirga «Torino» ham Xartning ijara muddatini uzaytirish istagida. Ammo «Manchester Siti» faqat uni sotishni istamoqda va Xart uchun 17.5 million evro talab qilayapti.
Eslatib o'tamiz, Jo Xart joriy mavsum A seriyada 30 o'yinda maydonga tushib, 49 ta gol o'tkazib yuborgan.
— deya xabar beradi uff.uz nashri.