FIFA va futbol bo'yicha 2018 yilgi Jahon chempionatining rasmiy hamkori — “Gazprom” kompaniyasi “Futbol do'stlik uchun” xalqaro bolalar loyihasining shu yil 26 iyun kunidan boshlab 3 iyul kunigacha Sankt-Peterburgda (Rossiya) bo'lib o'tadigan beshinchi mavsumi start olganini e'lon qilgani haqida xabar berilgandi. 2017 yilda loyihaning ishtirokchi mamlakatlar soni 32 tadan 64 tagacha, ya'ni, ikki barobar ko'paydi. O'zbekiston ham ishtirokchi mamlakatlar qatoridan joy oldi. Qur'a natijasiga ko'ra, O'zbekiston sharafini “Yashil do'stlik” jamoasida darvozabon himoya qiladi. Musobaqa qoidalariga ko'ra, futbolchi (darvozabon) 10–12 yoshda bo'lishi, 2 yillik futbolchilik tajribasiga ega bo'lib, ingliz tilini bilishi va boshqalar bilan chiqishimli bo'lishi kerak. Shu maqsadda, O'zbekiston Futbol Federatsiyasi mamlakatdagi futbol klublarning yosh darvozabonlari orasida tanlov e'lon qiladi. “Futbol do'stlik uchun” xalqaro bolalar loyihasiga darvozabonlar tanlovi 19 aprel kuni, O'FFning sun'iy qoplamali maydonida soat 10:00 da boshlanadi. Ushbu tadbirda OAV vakillari ham ishtirok etishlari mumkin bo'ladi . Nomzodlar orasidan xalqaro musobaqada ishtirok etadigan darvozabonni tanlashda Anvar Rashidov, Marat Galimov va Ruslan Ahmedxonov kabi ekspertlar qatnashadi.
— deya xabar beradi uff.uz nashri.