Madridning  «Real» klubi bosh murabbiyi Zinedin Zidan jarohat olgan Garet Beyl haqida fikr bildirdi. Eslatib o'tamiz, Beyl EChL chorak finalida  «Bavariya»ga qarshi kechadigan javob o'yinida maydonga tusha olmaydi.
- Beyl jarohatdan tuzalish uchun astoydil ishladi. Ammo u og'riq his qilmoqda. Umid qilamanki hech qanday jiddiy jarohat yo'q.
Ertaga u maydonga tushmaydi, biz tavakkal qilishni istamaymiz. Umid qilamanki u tezda safga qaytadi va mavsum oxirida biz bilan birga bo'ladi. U shunga munosib.
Beylning o'rnini bosa oladigan futbolchini bilaman, ammo kimligini aytmayman.  «Barselona»ga qarshi o'ynaydimi? Shunga umid qilaman, ammo aniq ayta olmayman, - deydi Zidan.
— deya xabar beradi uff.uz nashri.