Chempionlar ligasining ushbu mavsumida bir qator kutilmagan natijalar qayd etilmoqda. KRuz.uz sayti mazkur musobaqadagi sensatsiyalar TOP-10 ligini e'tiboringizga havola qiladi. 10-o'rin Guruh bosqichi. “Legiya” – “Real” 3:3 Gollar: V.Offoe (40), M.Radovich (58), T.Moulin (83) – G.Beyl (1), K.Benzema (35), M.Kovachich (85) Guruh bosqichining 4-turida Madridning “Real” jamoasi mehmonda 35 daqiqaga keliboq “Legiya” ustidan 2:0 hisobida ustun kelayotgan edi. Biroq polshaliklar kutilmagan jasorat ko'rsatib nafaqat hisobni qisqartirishdi. Balki keyinchalik tenglashtirib, hattoki oldinga ham chiqib olishga muvaffaq bo'lishdi. Faqatgina Kovachichning oxirgi daqiqalarda urgan goli Zidan shogirdlarini mag'lubiyatdan qutqarib qoldi. Shu tariqa “Legiya” tarixiy natijani qayd etdi. 9-o'rin 1/8 final. Javob o'yini. “Lester” – “Sevilya” 2:0 Gollar: U.Morgan (27), M.Olbrayton (54) O'tgan yili APL chempioni bo'lgan “Lester”ning ushbu mavsumda ishlari unchalik ham yaxshi ketmayotgan edi. Jamoa chempionatda quyi pog'onalarga tushib ketgach, jamoa ustozi Raneriga chiqish eshiklari ko'rsatildi. Pley-offning ilk o'yinida mehmonda “Sevilya”dan mag'lub bo'lgan “tulkilar”ning keyingi bosqichga chiqishiga ishonayotganlar kamchilik edi. Biroq jamoaning yangi ustozi Shekspir o'ziga xos “asar” yozishga kirishib ketdi. Natijada La ligada “Real” va “Barselona” bilan chempionlik uchun kurashib kelayotgan “Sevilya” turnirni tark etdi. 8-o'rin 1/4final. Birinchi o'yin. “Borussiya” D – “Monako” 2:3 Gollar: U.Dembele (57), Sh.Kagava (85) – K.Mbappe (19, 79), S.Bender (35 avt.) “Monako” uchun chorak final ham yaxshi natija deb hisoblovchilar adashadi. Buni knyazlik futbolchilar isbotlab qo'yishdi. Frantsuz jamoasi daxshatli “Signal Iduna Park” stadionida “Borussiya”ni mag'lub etishning uddasidan chiqdi. Bir paytlar bu stadionda “Real” 4 ta gol o'tkazib yuborgan edi. “Monako” esa hotirjam o'ynab ham Dortmund jamoasini tiz cho'ktirib, yarim final sari katta qadam tashladi. 7-o'rin
Guruh boqichi. “Rostov” – “Bavariya” 3:2
Gollar: S.Azmun (44), D.Polots (50 pen), K.Noboa (67) – D.Kosta (35), Bernart (52)
Guruh bosqichining eng sensatsion natijasi Rossiyada qayd etildi. “Rostov” jamoasi g'oliblik uchun asosiy davogarlardan biri bo'lgan “Bavariya”ni taslim qildi. Qurbon Berdiev bir paytlar “Rubin” murabbiyi sifatida “Barselona”ni safarda taslim qilgan edi. Bu safar Qurbon og'aning qurboni Myunxen klubi bo'ldi. Mazkur mag'lubiyat Anchelotti shogirdlariga guruhda 1-o'rinni qo'lga kiritishlari uchun to'sqinlik qildi.
6-o'rin
1/8 final. Javob o'yini. “Arsenal” – “Bavariya” 1:5
Gollar: T.Uolkott (20) – R.Levandovski (55 pen), A.Robben (68), D.Kosta (78), A.Vidal (80,85)
Nimchorak finalning ilk o'yinida Myunxen klubi o'z maydonida “Arsenal”ni yirik 5:1 hisobidaa taslim qilib, chorak final masalasini deyarli hal qilib qo'ygan edi. Londonda kechgan javob uchrashuvida birinchi bo'limdan so'ng Venger shogirdlari kichik ustunlikka ega edilar. Biroq ikkinchi 45 daqiqalik butunlay o'zgacha ruhda kechdi. Anchelotti shogirdlari 30 daqiqa ichida yana beshta gol urib tashlashdi. Ikki o'yin natijasiga ko'ra “Bavariya” “Arsenal”ni 10:2 hisobida taslim qildi. Janob Arsenni hali hech kim bunchalik tahqirlamagan edi.
5-o'rin
1/4 final. Birinchi o'yin. “Bavariya” – “Real” 1:2
Gollar: Vidal (25) – K.Ronaldu (47, 77)
Daxshatli “Bavariya” chorak finalning ilk o'yinida yana bir sensatsiya qayd etdi. Finaldan oldingi final maqomini olgan mazkur to'qnashuv mezbonlar uchun ko'ngildagidek boshlandi. Vidal hisobni ochdi va keyinchalik penaltini ko'kka sovurdi. Ikkinchi bo'limda esa katta sahnaga Ronaldu chiqdi. Krishtianu 2 ta gol urdi va Xavi Martinesning chetlatilishiga sababchi bo'ldi. Endi Anchelotti shogirdlarini Madridda juda ham murakkab o'yin kutib turibdi.
4-o'rin
1/8 final. Javob o'yini. “Monako” – “Manchester Siti” 3:1
Gollar: K.Mbappe (8), Fabino (29), T.Bakayoko (77) – L.Sane (71)
Birinchi o'yinda 3:2 hisobida oldinda borib, yakunda 3:5 ga yutqazib qo'ygan “Monako” javob o'yinining ilk yarim soatidayoq o'z maqsadiga etdi. 2:0 hisobida orqada borish “Siti”ni qoniqtirmasdi. Sane gol urgach, ko'pchilik “shaharliklar”ni keyingi bosqichga chiqishiga ishona boshlagan edi. Biroq oradan 6 daqiqa o'tib knyazliklar uchinchi golni urishdi va chorak finalga yo'l olishdi. Gvardiola esa o'z faoliyatida ilk bora nimchorak finaldan o'ta olmadi. “Siti”ning bu bosqichda to'xtashini ko'pchilik kutmagani aniq.
3-o'rin
1/4 final. Birinchi o'yin. “Yuventus” – “Barselona” 3:0
Gollar: P.Dibala (7,22), J.Kellini (55)
Turinning “Yuventus” jamoasi 2 yil oldin ChL finaldagi mag'lubiyat uchun “Barselona”dan munosib o'ch olish uchun jiddiy tayyorgarlik ko'rganini isbotladi. Birinchi taymning o'zida Dibala ikkita gol urgan bo'lsa, keyinchalik Kellini hisobni yirik ko'rinishga olib keldi. Shu tariqa Enrike shogirdlari turnirda safar o'yinlarida ketma-ket ikkinchi bor yirik mag'lubiyatni qabul qilib oldi. O'yindan oldin bunday hisob qayd etilishini “keksa sinorilar”ning muxlsilari faqat orzu qilishgan bo'lsa neajab. Davomi Furqat Yusupov blogida.
— deya xabar beradi uff.uz nashri.