Madridning “Real” klubi yarim himoyachisi Kazemiro “Bavariya”ga qarshi uchrashuv oldidan o'z fikrlarini bildirib o'tgandi. “Musobaqa finaliga etib borishimizga qadar hali uzoq vaqt bor. “Bavariya” – kuchli jamoa. Bizga faqat muxlislar olqishi va qo'llab – quvvatlashlari kuch bera oladi. Ular bizning asosiy kuchimmiz hisoblanishadi. O'yin juda qiyin kechishini bilib turibmiz, lekin bugun g'alaba qozonishga majburmiz. Xabi Alonso? U – katta tajribaga ega futbolchi. Alonso asosan maydon markazida o'zini ijobiy tomondan ko'rsata oladi. Ammo “Real” o'z oldiga yuqori maqsadlarni qo'ygan jamoa”, - deydi Kazemiro UEFA rasmiy saytiga bergan intervyusida. Eslatib o'tamiz, EChL 1/4 final bosqichidan o'rin olgan “Bavariya” – “Real” uchrashuvi madridliklarning 1:2 hisobidagi g'alabasi bilan yakunlangandi.
— deya xabar beradi uff.uz nashri.