Gandbol bo'yicha O'zbekiston erkaklar terma jamoasi bugun ertalab Qatar davlatida o'tkaziladigan Osiyo chempionatida ishtirok etish uchun safarga yo'l oldi.
14-27 noyabr kunlari o'tkaziladigan mazkur qit'a chempionati Olimpiya o'yinlariga so'nggi yo'llanmani beruvchi turnir hisoblanadi.
Osiyo chempionatida 11 terma jamoa g'oliblik uchun bahs yuritadi. Musobaqada birinchi o'rinni egallagan terma jamoa to'g'ridan-to'g'ri Olimpiada o'yinlariga yo'llanma oladi. Ikkinchi o'rin sohibi esa pley-off bosqichida ishtirok etadi.
Musobaqalar yil boshida jahon chempionatini qabul qilgan Lusail hamda Doxadagi yirik arenalarda o'tkaziladi. Eslatib o'tamiz, o'tgan oy Yaponiyada ayollar o'rtasida o'tkazilgan saralash musobaqasida terma jamoamiz a'zolari beshinchi o'rinni egallab, litsenziyaga ega bo'la olishmagan edi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.