"Bavariya" bosh murabbiyi Karlo Anchelotti Chempionlar ligasi chorak finalida "Real"ga qarshi kechgan javob o'yini (6:2) haqida fikr bildirarkan, hakamlardan norozi bo'lganini aytdi. Eslatib o'tamiz, qo'shimcha vaqtda Krishtianu Ronaldu ofsayd holatida gol kiritgani aytilmoqda.
"Bizdan ko'ra hakamlar yomonroq ishladi. Men darhaqiqat o'z jamoam bilan faxrlanaman, ammo biz hakamlar tomonidan jazolandik.
Hamma narsa bo'lishi mumkin, xatolar uchrab turadi. Ammo bu qadar xatolar seriyasi bo'lishi mumkin emas.
Umid qilamanki kelajakda hakamlarga TV yordam beradi, ular videodan foydalanadilar. Bu qadar yuqori saviyadagi o'yinda bunday xatolarga yo'l qo'ymaslik lozim.
Har holda chorak finalga boshqa hakam... nima deyishni ham bilmayman... yaxshiroq saviyadagi hakam tayinlanishi kerak. Yoki videotakrordan foydalanish lozim.
Ammo men faqat hakamlar xatosi tufayli mag'lubiyatga uchradik, deb aytmoqchi emasman", - deydi Anchelotti.
— deya xabar beradi uff.uz nashri.