7 noyabr kuni O'zbekiston Birinchiligidagi ishtirokini “Xorazm”ga qarshi safardagi o'yin bilan yakunlagan jamoamiz bir haftalik tanaffusga chiqdi.
Xabaringiz bor, mavsumni ikkinchi o'rinda yakunlagan “Oq-tepa” oliy ligada 15-pog'onadan joy olgan jamoa bilan o'tish o'yinida oliy liga yo'llanmasi uchun kurash olib boradi. PFL hozircha mazkur uchrashuvni qachon va qaerda o'tkazilishiga oydinlik kiritgani yo'q. Shunday bo'lsa-da, jamoamiz mazkur o'yinga jiddiy hozirlik ko'rishni maqsad qilgan.
Hozirgi rejaga ko'ra, jamoamiz 14 noyabrdan o'tish o'yiniga tayyorgarlikni boshlaydi. O'tish uchrashuvining sanasi ma'lum bo'lgach, vaziyatga qarab o'rtoqlik o'yini ham o'tkazilishi rejalashtirilgan.

— deya xabar beradi uff.uz nashri.