"Barselona" klubi sobiq hujumchisi Ronaldino Lionel Messi haqida fikr bildirdi.
"Messi? Bu juda ajoyib tarix? Uning shakllanishiga hissa qo'shganimdan mamnunman. U "Barselona"dagi gollari sonini 500 taga etkazish arafasida turibdi, birinchisini esa mening uzatmamdan so'ng urgan edi. Men uning shakllanishida muhim hissa qo'shganman.
Messi mening ajoyib do'stim, u men uchun ukamdek. Uning yutuqlarini ko'rish juda yoqimli, ammo u hali yanada ko'prog'iga erishadi.
Futbol har doim men uchun hayotdagi eng asosiy jihat bo'lgan, bolaligimdan shunday. Oilam to'liq futbol bilan bog'langan. Mening omadim kelgan, faoliyatim davomida o'zim havas qilgan futbolchilar bilan birga o'ynadim.
Men ko'p o'yinchilardan o'rnak olishga intilganman, ular orasida Diego Maradona va Zinedin Zidan kabi xorijliklar bo'lgan. Braziliyada esa o'sha vaqtlarda Ronaldo, Romario, Rivaldo, Roberto Karlos va Kafu to'p surardi. Juda baxtliman, chunki o'z kumirlarim bilan uchrashganman. Hatto ba'zilari bilan bir jamoada o'ynaganman", - deydi Ronaldino.
— deya xabar beradi uff.uz nashri.