Madridning «Real» klubi yarim himoyachisi Luka Modrich «Bavariya»ga (4:2) qarshi kechgan o'yindan so'ng o'z fikrlari bilan o'rtoqlashdi. «Biz juda yaxshi o'yin o'tkazdik, masalani birinchi bo'limdayoq hal qilishimiz mumkin edi. Albatta, EChL yarim finaliga chiqqanimizdan juda xursandmiz va endi sovrinni himoya qilishimiz kerak. Chempionlar ligasi g'olibligini ketma-ket ikki bor qo'lga kiritgan tarixdagi birinchi jamoa bo'lsak, ayni muddao bo'lar edi. Yakshanba kuni bizni yana bir buyuk o'yin kutib turibdi va agar ushbu bahsda g'olib chiqsak, bu La Liga chempionligiga erishimizda katta yordam beradi. Hozir yaxshi hordiq chiqarib, keyin Klasikoga tayyorlanishimiz kerak. Yakshanba kuni ham stadiondagi muhit bugungidek bo'ladi deb umid qilaman», – deydi Modrich.
— deya xabar beradi uff.uz nashri.