“Monako” klubi yarim himoyachisi Bernardu Silva kelajakda APL va La Liga chempionatlari klublaridan bo'ladigan takliflarni ko'rib chiqishni inkor etmadi. “Ayni vaqtda “Monako”da o'zimni yaxshi his etmoqdaman. Bu mening Frantsiyada o'tkazayotgan uchinchi mavsumim bo'ladi, lekin barcha futbolchilar o'z imkoniyatlarini kuchli chempionatlarda sinab ko'rishni istashadi. Ispaniya va Angliya – bu chempionatlarda jahonning eng kuchli klublari ishtirok etadi. Albatta, kuchli chempionat jamoalaridan bo'ladigan takliflarni ko'rib chiqishni inkor etmayman”, - deydi Silva Fourfourtwo nashriga bergan intrervyusida.
— deya xabar beradi uff.uz nashri.