"Milan" klubi va Italiya terma jamoasi sobiq bosh murabbiyi Arigo Sakki EChL chorak finalida "Yuventus" va "Barselona" o'rtasida kechadigan javob bahsi haqida fikr bildirdi. Eslatib o'tamiz, "Yuventus" ilk bahsda o'z maydonida 3:0 hisobida g'alaba qozongan.
"Hozir "Barselona" o'z kuchiga ishonch va ishtiyoq borasida juda yaxshi holatda emas. Jamoa faqat o'z futbolchilarining individual o'yiniga umid bog'layotgandek ko'rinmoqda. "Yuventus" esa jamoaviy o'yin jihatidan kuchliroq va yaxshiroq formada.
"Yuventus" ilk daqiqalardan pressing tashkil etishi va raqibga o'ziga kelish imkonini bermasligi lozim. Faqat himoya va qarshi hujumga bog'lanib qolmaslik shart", - deydi Sakki.
— deya xabar beradi uff.uz nashri.