Evropa Chempionlar ligasi chorak finali javob bahsidan o'rin olgan uchrashuvda «Real» o'z maydonida «Bavariya»ni 4:2 hisobida mag'lub etdi va keyingi bosqich yo'llanmasini qo'lga kiritdi. O'yin haqida Uchrashuv kutilganidek teng kurashlar ostida boshlandi. Birinchi bo'lim ko'proq madridliklarning hujumlari bilan yodda qoldi. Ikkinchi bo'limni ham aktiv boshlagan «Real» hujumlarini golga aylantira olmadi va buning uchun jazolandi. Levandovski penaltidan sovuqqonlik bilan Keylor Navas qo'riqlayotgan darvozani ishg'ol etdi. Myuxenliklar hisobda oldinga chiqib olganlaridan so'ng o'zlariga bo'lgan ishonch oshdi va mezbonlar jarima maydoni atrofida tez-tez paydo bo'la boshladilar. Ammo, haqiqiy etakchi futbolchilar mana shunday o'yinlarda as qotadilar, Ronaldu avvalgi uchrashuvda bo'lgani kabi jamoasi joniga o'ro kirdi va hisobni tenglashtirdi. Biroq, oradan hech qancha vaqt o'tmay «Madrid» himoyasi o'z jarima maydonida juda palapartish harakat qildi va yo'q joydan muammo ortirib oldi. Ramos bu safar o'z darvozasini ishg'ol etdi. Shiddat ikkala jamoada ham yanada kuchaydi va bu Vidalning chetlatilishigacha davom etdi. Asosiy vaqtning so'nggi daqiqalari asosan «qaymoqranglilar»ning hujumlari ostida kechdi. Qushimcha bo'limlarda katta sahnaga Ronaldu chiqdi, portugaliyalik futbolchi uchinchi bo'lim oxiri va to'rtinchi bo'lim boshida ikkita gol kiritib amalda uchrashuv masalasini hal qilib qo'ydi. Marko Asensio esa shiddatli bahsga chiroyli yakun qo'ydi. Statistika va reyting Uchrashuvda futbolchilarga qo'yilgan ballar bilan tanishing: Turli ko'rsatkichlar bo'yicha top-5 liklar: Rekordalar, faktlar va qiziqarli ma'lumotlar «Real» ketma-ket ettinchi bor Chempionlar ligasi musoboqasining yarim finaliga yo'llanma oldi va bu borada rekorchiga aylandi; Ushbu uchrashuvda Krishtiano Ronaldu EChLda gol kiritish bo'yicha 100 lik dovondan oshdi va 101, 102 hamda 103-gollarini kiritdi; Krishtiano Ronaldu «Santyago Bernabeu»da kiritilgan gollari sonini 211 taga etkazdi va Alfredo Di Stefanoning (210) rekordini yangiladi; Bu bahs «Bavariya» a'zolari Flipp Lam va Xabi Alonsolar uchun EChL musoboqasidagi so'nggi o'yin edi; Yana yodda qolarli vaziyatlardan biri «Santyago Bernabeu»ning Xabi Alonsoni olqishlagani bo'ldi. Ha, bu bahs Karlo Anchelotti, Xabi Alonso va Toni Krooslar uchun o'zgacha hissiyotlarni taqdim etgani aniq; «Real» va «Bavariya» o'zaro 23 martta o'yin o'tkazganlar va bu evrokuboklarda eng ko'p kuzatilgan qarshilikdir; Bu ikki klub Chempionlar kubogi musoboqasining chorak finalidada ikki bor to'qnash kelganlar va ikkisida ham madridliklarning qo'li baland kelgan; «Blankos» o'z uyida «Bavariya»ni ketma-ket beshinchi uchrashuvdirki mag'lub etmoqda; Ushbu uchrashuv Serxio Ramos uchun EChL musoboqasidagi 100-si bo'ldi; Qirollik klubi birinchi bahsni 2:1 hisobida yutgan o'yinlarning 94%ida evrokuboklarning keyingi bosqichiga yo'l olgan; «Real» EChL musoboqasida 2011 yilning 27 aprelidan boshlab ketma-ket 34 uy uchrashuvida muntazam gol urib kelmoqda. Xulosa o'rnida Ushbu qarama-qarshilikdagi ba'zi vaziyatlar hali hanuz muhokama qilinmoqda. Lekin, hakamlarning qarrlari madridliklarga yordam berib yubordi deganlar qattiq adashadi. Qani siz neytral muxlis bo'lsangiz aytingchi, ikki o'yin natijasiga ko'ra kim ko'proq g'alabaga munosib edi: ikkita penalti va avtogol evaziga g'alaba qozongan hamda ikkita o'yinda raqib darvozasiga bor yo'g'i 4 ta aniq zarba yo'llay olgan «Bavariya»mi yoki ikki o'yinda 24 ta aniq zarba yo'llab shularning oltitasini golga aylantirgan madridliklarmi? Ha, Viktor Kashshaining qarorlari o'yinga ta'sir etmay qolmadi, biroq o'sha ofsayddan kiritilgan gol bo'lmagan taqdirda ham, «Real» raqib darvozasi tomon ancha yaqinlashib qolgan edi. Qizil kartochka berilgan vaziyatga to'xtaladigan bo'lsak, Vidal o'sha paytda o'ta qo'pol o'ynamagan bo'lsada, hujumni to'xtatib qoldi, bu esa so'ssiz sariq kartochka edi. Myunxenliklarning noroziligiga sabab esa sal avvalroq Kazemiro Aren Robbenga nisbatan qo'pol o'ynagan va hakam uni kechirgan edi, balki shundan kelib chiqib Arturoga ham bitta imkon berish kerakmidi... Xullas kim nima desa desin, biroq «Real» ikki o'yinda ham g'alabaga ko'proq munosib ekanligini isbot eta oldi va haqli ravishda keyingi bosqichga yo'l oldi. Yashirin final nomini olgan ushbu uchrashuvlar bizga hayajon va zavqli onlarni taqdim etdi. Futbol shunisi bilan go'zal. E'tiboringiz uchun rahmat! Futboldan uzoqlashmang... HALA MADRID!!!
— deya xabar beradi uff.uz nashri.