Sportchilar ichida o'rnak qilib ko'rsatishga arziydiganlari bilan bir qatorda bunday sharafga noloyiq bo'lganlari ham ko'p. Hamma ham xato qiladi. Asosiysi uni tan olish va o'sha ishni qayta qilmaslik. Boshga kulfat tushganda elkadosh bo'ladiganlardan ko'ra o'zini olib qochadiganlar ko'proq bo'lishi tabiiy. Ana shu lahzada inson irodasi sinaladi. U o'zining aslida nimalarga qodir ekanligini isbotlashi kerak bo'ladi. Bugun ana shunday iroda sohibi Paolo Rossini esga olamiz. 1979 yilda italiyalik mashhur futbolchi Paolo Rossi totalizatorlarga aloqadorlikda ayblanib qamaldi. Ikki yilga futboldan chetlashtirildi. O'sha paytda “Perudja” safida maydonga tushib yurgan hujumchi “Avellino” bilan bahsda ikkita gol urishi va o'yin durang natija bilan tugashi kerak edi. Xullas Rossini hibsga olishdi. 1982 yilgi jahon chempionati oldidan Italiyaning o'sha paytdagi bosh murabbiyi Entso Bearzot oldida qiyin tanlov turgandi: Rossini jahon chempionatiga olib ketish yoki uni uyda qoldirish. Italiyalik aksariyat ishqibozlarning fikricha Rossi jahon chempionatiga borishi kerak emasdi. Qamalib chiqqan, buning ustiga ikki yil futbol o'ynamagan, kelishilgan o'yinlar bilan shug'ullangan futbolchini terma jamoaga jalb etib bo'ladimi? Qaysidir ma'noda ular haq edi. Biroq murabbiy hammaga o'xshab fikrlamadi. Uning oldida terma jamoani chempion qilish vazifasi turgandi. Shunday ekan chiqariladigan har qanday qaror terma jamoa manfaatiga xizmat qilishi kerak edi. Bearzot o'z qarorini e'lon qildi: Paolo Rossi jahon chempionatiga boradi. Murabbiyni ahmoqqa chiqarganlar ham topildi. U esa hech kimning gapiga e'tibor qilmadi. Futbol ishqibozlariga ma'lum, o'sha jahon chempionati ikkita guruh bosqichidan iborat bo'lgan. Dastlab jamoalar 4 tadan olti guruhga bo'linib o'ynagan. Dastlabki ikkita o'rinni olganlar uchtadan to'rtta guruhga bo'lingan holda kurashni davom ettirgan. Italiya dastlabki guruh bosqichidagi barcha uchrashuvlarda durang o'ynadi. Aksiga olib Rossi bitta ham gol kirita olmadi... ...
Davomi «TAFSILOT.UZ» saytida
— deya xabar beradi uff.uz nashri.